Saturday, June 7, 2008

MATAUT HUSUKKUN MA HO...

Di Bintan torop do nuaeng on angka halak bangso na asing marula-ulaon: gumodang mai halak Cina (sian Singapur, Malaysia, manang sian Cina); halak India songon si Rajinder Sukumaran i; sian Pilippina, songon si Leonardo Panganjagal, manang halak sian Eropa songon si Daniel Goodman i.

Mansai godang do na gabe persoalan alani masalah bahasa dison. Ikkon do adong sada hata na dijalo sude jolma songon hata pengantar, ima marhata Inggris.

Alai tahe dang sude jolma na malo marhata inggris kan. Marsimaloi do sahalak sian na deba marsiajar hata Inggris on. Dang holan halak bangso Indonesia, par karejo bangso asing (expatriates) pe godang do na so umboto malo mar hata Inggris...

Na di ari Senin na salpu jumpang ma au dohot si Deng Ching Qong (jaha: Teng Cing Cong). Huroa na baru mulak cuti do ibana sian hutana di Cina daratan. Somal do si Deng on margait tu iba nang pe godangando dang niantusan hatana, suang songoni hatahu dang diantusi ibana.

"Hi Deng, long time not see you? Where have you been?" nikku manukkun si Deng tikki jumpang hami di lobby ni kantor nami (Lapatanna Ale Deng, nungnga leleng dang haidaan ho. Na sian dian do ho saleleng on?)

"Oh yaaa...wat?" ninna si Deng on mulak manukkun au.

"I meant...... I...... did not..... see.... you for.....these...few....days. Where.... did.... you... goo..O? nikku manukkun nenget-nenget (Dang tarida ho piga-piga arion. Natudia do ho lao?)

"Oh yahhh.... I'm hierrrrR. Don you si....? ninna mangalusi...(Oh ido... Di son do au... Dang dibereng ho?)

"Mabaor ma begu tu lombang an.... mataut husukkon ma ho..." nikku dibagas rohakku pittor maninggalhon si Deng.

2 comments:

Monang Naipospos said...

Ra nadietong ibana do sungkun2i "dang huida ho apala otik sadri on" :D

Par Bintan said...

@Monang Naipospos

So huboto lae.... Nang pe nungnga lobi sataon ibana tinanda tong do tung maol hian si Deng on mar hata Inggris...

Alai ipe tahe nungnga dumenggan saotik. Tikki baru marsitandaan hami taon na salpu, ikkon dohot do sude tangan niba mambahen gerakan songon na naeng si dokhonon baru pe asa songonna "nyambung" alias "bahasa tarzan"...

Petrus M. Sitohang , Pariwisata Dan Kelautan Bisa Jadi Motor Pertumbuhan Ekonomi

KEPRIONLINE.CO.ID,TANJUNGPINANG,- Provinsi Kepulauan Riau dikenal kaya akan sumber daya alam. Letaknya yang juga sangat strategis memun...