Saturday, June 7, 2008

PITTOR NAENG MANGAN SIANG HO SONARI....?

Andorang so mulak tu hutana i Cina daratan, anggo ahu jotjotma marsak jala tarsonggot baenon ni si Deng Ching Qong (jaha: Teng Cing Cong) on.

Nasogotan, di lobby ni kantor pajumpang ma muse dohot si Deng. Nungnga paula so hubereng nian ibana. Alai na bakko na ramah do si Deng on pittor parjolo do ibana mandapothon ahu jala las dihaol ibana do abarahu. Huhut rap mardalan tu tangga lao nakkok tu tingkat 2.

"Hi Petrus, gu' mornen...." ninna si Deng manegor au. (Lapatanna: “Ale Petrus, selamat pagi”)

"Hi Deng. Very good morning to you" nikku mangalusi jeppek. Unang gabe ganjang jala loja muse annon ninna rohakku.(Ale Deng. Selamat pagi…”)

"You gud todei ha...?" ninna. (Sehat sehat do ho kan?)

"Yes, I'm very well. Thank you. And you?" nikku mangalusi jala manukkun khabarna, songon somalna molo mar hata inggris.(“Ido. Sehat-sehat do au bo. Mauliate. Ho sandiri songon dia kabarmu?”)

"Yes...." alusna huhut mekkel suhing. Alai dang dialusi sukkun-sukkunhu taringot tu kabar ni ibana. (“Ya…”)

"Bah nungnga mulai kumat muse baeon" ninna rohakku. Pittor naeng maninggalhon ibana ma ma nian rohakku.

"Deng, excuse me, I'm in a hurry. I'll see you later during lunch break OK...?" nikku mangalului sidalian asa unang lam ganjang. ("Deng santabi bo, buru-buru hian au nuaeng. Jumpang anon tikki istirahat siang ma hita muse ateh?.")

"Hah...? Yu wan to it lans now...?" ninna mangalusi ("Bah? Pittor naeng mangan siang sonari ho?")

"Pandok ma lomom Deng...." nikku ma mangalusi mar hata batak pittor marlojong maninggalhon ibana.

No comments:

Petrus M. Sitohang , Pariwisata Dan Kelautan Bisa Jadi Motor Pertumbuhan Ekonomi

KEPRIONLINE.CO.ID,TANJUNGPINANG,- Provinsi Kepulauan Riau dikenal kaya akan sumber daya alam. Letaknya yang juga sangat strategis memun...